GONDANG
Naskah Carita : Wahyu Wb.
Naskah Karawitan: Mang Koko
ADEGAN 1
Caang Bulan…….. Barudak lalaki rek ucing "Kalangkang"
RS. Mojang/Bujang
RS Bujang
|
:
: |
Caang bulan ngebrak siang Nini anteh diwedak kawas parawan Cing ucingan jeung kalangkang Ucing saha nyi lanjang eong-eongan
Cing cangkeling, manuk cingkleung cindeten Plos ka koong bapa Satar …………………………. Cing cangkeling, manuk cingkleung cindeten Plos ka koong bapa Satar buleneng |
ADEGAN 2
Barudak lalaki ucing kalangkang, silih intip-silih bongohan……
Cahaya buian beuki surem, beuki poek….. barudak ting raringeuh jeung tingtarunjuk ka langit.saurang-saurang lumpat ti dinya, daratang bari marawa jeung nakolan kohkol. Mojang kalaluar sanggeus ngadenge sora kokhol jeung tingjorowok Samagaha
RS Bujang
RS Mojang |
:
: |
Euleuh-euleuh bulan dilegleg ku yaksa Euleuh-euleuh SAMAGAHA…SAMAGAHA.
Hayu batur urang gancang gareuwahan Buru-buru Tutunggulan.. Tutunggulan |
ADEGAN 3
Kaayaan beuki poek..medem, sora kohkol jeung alat liana beuki rame, salah saurang budak lalaki mawa obor nyaangan mojang-mojang nu rek tutunggulan ngaliwatan cukang kawung muru lisung.
RS MOJANG |
: |
Poek mongkleng kundang obor Kaluncas kalinces Kahalangan ku kalangkang Ngalengkah .. diwangwang ..
Nece kana cukang kawung Ngarayap jeung muntang Halu dijingjing dikeumbing Ka saung . . ka lisung . . |
ADEGAN 4
Mojang breng tutunggulan, disambil karakawihan, ditempas ku lalaki anu narakolan kohkol jeung pager..
RS. Mojang/Bujang |
: |
Sieuh ! Sieuh ! Buta julig Ulah nglanto kalangit Bulanna geura utahkeun Matak weureu mun diheungheum
Sieuh ! Sieuh ! Buta wereng Langit kuring poek peteng Nini Anteh kapaehan Rek ngabungbang poek bulan |
ADEGAN 5
Lalaki ngaludar sarungna anu tadina disalendangkeun.. diayun-ayun kaluhur, maksudna nyingsieunan Yaksa … Mojang-mojang oge selang-selang tina tutunggulan, ngacung-ngacung haluna, bari taranggah.
RS. Mojang RS. Bujang RS. Mojang RS. Bujang RS. Mojang
RS. Bujang RS. Mojang RS. Bujang RS. Mojang |
: : : : :
: : : :
|
Diajul ku halu ! Naonana ? Saleserna ! Ambeh naon ? Ambeh murag, huy ! huy !
Meureunan nyeurieun ? Da bonganna ! Bongan naon ? Bongan gembul ! Ngakan bulan, huy ! huy ! |
ADEGAN 6
Hiji lalaki ngeker ka langit … nu sejenna narunjuk ka luhur
AS. Bujang
RS. Bujang
AS. Bujang
RS. Bujang |
:
:
:
: |
Bulan digegel ku buta Naha atuh gugal gegel Ulah sagegel-gegelna Mun lain gegelenana, nya Nyai !
Seuhah lata-lata, maling cabe lada ngeunah
Gorek-gorek manuk tuweuw Disada dina taweuran Dinu poek resep reujeung Lila ge teu panasaran, nya Nyai !
Seuhah lata-lata, maling cabe lada ngeunah |
ADEGAN 7
IBING TUTUNGGULAN .. Mojang-mojang pabisa-bisa tutunggulan kawas nu hayang kataksir ku bujang. Bujang-bujang alemprak bari sila rupa-rupa.
RS. Bujang
RS. Mojang |
:
: |
Ting tung ting tung Tak tuk tak tuk tak Nu di saung dipacok ku bango butak
Blang dung blang ding Blang dung blang dingkleung Anu ngibing kumis baplang digadekeun |
ADEGAN 8
IBING SARUNG… Bujang-bujang pabisa-bisa ngulinkeun sarungna, kawas nu hayang kataksir ku mojang-mojang anu keur ngulinkeun haluna
Teu lila salah saurang mojang nunjuk ka langit nu sejen milu taranggah
AS. Mojang
RS. Mojang
RS. Bujang |
:
:
:
|
Tuh geus melentis nu koneng nu geulis Bulan ! Bulan ! tereh nembongan
Bulantis-bulantis Bulanna enggeus melentis Bulan .. Bulan..
Bulanbong-bulanbong Bulanna enggeus katembong Bulan Bulan |
ADEGAN 9
Saeutik-saeutik beuki katembong caang …. Para mojangjeung bujang taranggah ka langit. Kabeh narunjuk ka bulan.
RS. Mojang/Bujang
RS. Mojang RS. Bujang RS. Mojang RS. Mojang/Bujang |
:
: : : : |
Bray ! .. Bray ! .. Bray ! Bulan geura bray caang
Trang trang kolentrang Trang trang kolentrang Trang trang kolentrang Caang bulan ngebrak siang |
ADEGAN 10
Hiji lalaki mawa Kacapi …. Ditabeuh, babaturanana ngariung nu ngacapi.. salah saurang Nyuling ……. Mojang-mojang nyarukang kana cukang kawung sanggeus narunda halu….
AS. Mojang
AS. Bujang |
:
: |
Ngabungbang urang ngabungbang Meungpeung caang bulan Impian endah impian Duh … kalangkang bulan
Putri wengi panineungan Imut di langit kasmaran Eling di bumi kasmaran Tepang dina caang bulan |
ADEGAN 11
Salah saurang lalaki maledogkeun kembang ka palebah riungan Mojang-mojang. Kembang the diparebutkeun.
Mojang-mojang dariuk dina bale-bale bari arucang angge… bujang-bujang ngarengklak ngigel nuturkeun lagu ucang angge
RS. Mojang
RS. Bujang
RS. Mojang
RS. Bujang |
:
:
:
: |
Ucang-ucang angge Loba bujang diparanje Digogog ku anjing Lebe Menta tulung ka awewe
Ari gog-gog cungungung Ari gog-gog cungungung
Ucang-ucang angge Aya bujang di pakgade Diudag-udag mang lebe Ongkos kawin tacan mere
Ari gog-gog cungungung Ari gog-gog Auuuuuuuuuuu …. |
ADEGAN 12
Palebah sora Auuuu.. bujang-bujang ngarontok mojang-mojang. Mojang tapis pisan ngagiwar-nyingcet. Bujang-bujang katipu patumpuk nepi ka iketna lalesot. Ngaras era tuluy dikebut-kebut pasang aksi
RS BUJANG |
: |
Caringcing pageuh kancing Saringset pageuh iket Sret sret sret Sret sret sret
Nya akang tameng dada Anu nyaah ka nyai Het het het Het het het |
ADEGAN 13
Mojang ngarumpul ditengah.. barudak lalaki pacekel-cekel rek ngajaring mojang. Teu kaburu kasambungkeun da mojang-mojang kaburu nyaringcet kaluar tina jaring nu dijeun ku barudak lalaki.
RS. Bujang |
:
: |
Rek meuting dinu jangjing Rek modok dinu denok Weh weh weh Weh weh weh
Nya akang jaga malem Hudang mun digeuingkeun Dudingkeung dudingkeung |
ADEGAN PANUTUP
Ibing dina gending Tokecang……..
Kaluar pentas.
Permata Mega, 21 April 2003.